ewi ~ tasatise

Sunday

ewi

Ayé yí padà

Ayé yí padà ayé dòdì àdá

Ìgbà yí padà ó dè̩yìn ò̩be̩

Gbogbo ohun lo̩ látorí kòdì

Bí wo̩n se ń pé̩ láya ńjo̩un

Ni wo̩n ń pé̩ láyé kánrinkése

Báwa se ń káńjú lábè̩é̩ gbóná

Là ń kánjú rèwàlè̩ àsà

Bó̩wó̩ wo̩n ò bá tétí

Iléèwé ò le di lílo̩

Ni wó̩n fi ń kó̩gbó̩n ilé

Kó tó ko̩gbó̩n oko

Àwa ò bèsù bè̩gbà

Bí wó̩n bí wa sílè̩

A ó bè̩rè̩ sùkúù

Àìdúró gbè̩kó̩ ilé

Tá a fi ń nanu mó̩ tìta

Báa bá wá kàwé ò̩ún tán

Kì í wúlò láìsé̩kò̩ó̩ ilé

A ti kó̩kó̩ sè̩kó̩o̩lé nù

A sàpò ìyà kó̩rí

A sapó ìyá kó̩rùn

Às̩à alás̩à la gbégúnwó̩

Tí gbogbo wa ń mú soge

Obìnrin ò lójú tì

Láti bé̩wùú lè̩ ní pópó

Wo̩n a wo̩s̩o̩ sárasí

Gbogbo ayé á máa róhun wo̩n ń mú soge

Lakó̩ fi ń so̩ wó̩n dàpò è̩s̩é̩

Tó̩ko̩ ń so̩ wó̩n di bàrà lílù

Ohun ojú wo̩n ń rí

Wo̩n ó tó láfè̩é̩só̩nà

Ni wó̩n fi ń sàlè jè̩jè̩

Bí e̩ni ò róbìnrin rí

Ni wó̩n fi ń káya ilé wo̩n bí ojú wo̩n

O̩ko̩ è é sèyí a ̀á yàn ló̩nà

E̩bí i wo̩n ní báwo̩n wáko̩’re

Wo̩n á túdìí ako̩ náà fínnífínní

Wo̩n á mo̩ irú e̩bí tí wo̩n ń se

Okinni tó lókùn nídìí kìí nù

Tó bá so̩nù

A ó to̩pa okuǹ rè̩ lo̩ ni

O̩ko̩ táwa kò lo̩nà

Tá à mo̩ irú e̩bí tó ti wá

Tá a kó délé o̩ko̩ tán

Tó̩ jé̩wó̩ ohun té̩bí wó̩n ń se

Tó di Táísò̩n táwa dàpò è̩sé̩

Tó di mé̩sì táwa di bó̩ò̩lù

tasatise

Sunday

ewi

0 comments:

Categories

Unordered List

Sample Text

Blog Archive

Pages

Popular Posts

Recent Posts

Text Widget

Ordered List

Definition List

Labels